Helsestasjonen og biblioteket har det til felles at vi begge har kontakt med barn i kommunen. Vi er opptekne av kor viktig det er mellom anna å stimulere barnet si språkutvikling, og det gjeld å utnytte dei tilboda som finst.
Gloppen folkebibliotek held til i fine lokale i Trivselshagen, med mange varierte tilbod for ulike brukargrupper. Der har du høve til å vere åleine i fred og ro eller vere saman med andre.
Bibliotektilsette legg merke til kor stor glede og begeistring barn syner i møte med bøker og historier i ulike former. Denne gleda har vi lyst flest mogeleg skal få del i.
Du som forelder legg merke til endringar i bruken av språket hos barnet ditt. Stadig nye ord blir tekne i bruk. Barnet lyttar meir ivrig til deg og hermer gjerne orda. Kanskje begynner dei første setningane med meining å formast. Bilder vert granska med iver og glede. No er det tid for bok!
Med helsing
Gloppen folkebibliotek
Wenche Søreide
og
Gloppen Helsestasjon
Berit Sagen